ملخص كتاب علاقات خطرة pdf | محمد طه
تفاصيل الكتاب:
عنوان الكتاب: علاقات خطرة.
المؤلف: د. محمد طه.
التصنيف: علم نفس.
لغة الكتاب: اللغة العربية.
معلومات عن مؤلف الكتاب ( د. محمد طه):
- استشاري ومدرس الطب النفسي_كلية طب_ جامعة المنيا.
- نائب رئيس الجمعية المصرية للعلاج النفسي الجمعي.
- زميل الكلية الملكية البريطانية للأطباء النفسيين.
- عضو الجمعية الأمريكية للعلاج النفسي الجمعي.
- عضو الجمعية العالمية للعلاج النفسي الجمعي.
اقرأ ايضا
ملخص كتاب علاقات خطرة pdf | محمد طه :
ممكن تكون أعقد حاجه في الدنيا هي العلاقات بين البشر..
مش بس أعقد.. لأ.. هي كمان أخطر، وطبعا أصعب. العلاقات بين البشر زي ما هي أحد الأسباب المهمة للسعادة والإقبال علي الحياة.. ساعات بتكون أحد أهم مصادر التعاسة والألم.. علشان كده عزيزي القارئ مهم تقرأ كتاب علاقات خطرة لدكتور محمد طه. هيساعدك الكتاب ده تفهم الفرق بين العلاقات الخطرة واللي لازم تبعد عنها والعلاقات الحقيقية والصحية اللي فيها راحتك وسعادتك..
ملخص كتاب علاقات خطرة pdf | محمد طه :
الكتاب ده منك ومن اللي حواليك.. الكتاب ده مش هيفارقك لانه بكل بساطة هيبقي حتة منك. احتمال كبير تكتشف مع آخر صفحاته انك شاركت في كتابته!
اتكلم د.محمد طه في الكتاب ده عن أنواع وأشكال كتير من العلاقات.. بدءا من علاقتك بنفسك. وانتهاءا بعلاقتك بكل اللي حواليك. علشان كده الكاتب قسم الكتاب ده الي خمس أقسام..
القسم الأول( الفصول من 1 الي 3):
يتحدث الكاتب في هذ القسم عن تركيبتك أنت شخصيا.. الحاجات اللي مهم تكون واعي بيها قبل ما تدخل أي علاقة مع أي حد..
القسم التاني ( الفصول من 4 الي 6) :
هنا بدأ الكاتب يتكلم عن بعض الحاجات المهمه جدا في علاقتك بالآخرين. زي مثلا هل انت شايف الطرف التاني زي ما هو ولا بتتعامل مع حد غيره في صورته؟!
القسم الثالث ( الفصول من 7 الي 10):
بعد كده هيبدأ الكاتب د. محمد طه يتكلم عن نتيجة اضطراب ولخبطة بعض علاقاتنا مع الآخرين.. خاصة القريبين منك.. وازاي ده ممكن يخلينا نرجع في تاريخنا النفسي للخلف ونتمني احيانا نرجع للرحم ولحياة الجنين وننفصل عن الدنيا، ونبعد عن أذي الناس.
القسم الرابع ( الفصول من 11 الي 19):
اتكلم د. محمد طه في الفصول المهمه دي عن التغيير.. عن الشفاء والالتئام النفس.. عن ازاي تقبل مشاعرك وأجزاءك من غير نقص أو تشوية. عن امتلاء كل الفراغات النفسية اللي جواك..
القسم الأخير :
Related Posts
بعد ما شوفت وحسيت واتغيرت.. هيشرحلك في الفصل 20 (آخر فصل في الكتاب) بعض أنواع العلاقات اللي مهم تاخد بالك منها في رحلة حياتك.. علشان تبقي واعي بيها. وتعرف تشوفها كويس وتحمي نفسك منها..
ويختم د. محمد طه كتابه بالحديث عن العلاقة الحقيقية والصحية.. العلاقة اللي وجودها مهم لأي انسان.. العلاقة اللي تساعدنا نبقي نفسنا الحقيقية..
اقرأ ايضا
اقتباسات من كتاب علاقات خطرة pdf | محمد طه:
__ باختصار شديد. العلاقة الطيبة الصحية مهم يكون فيها سبع حاجات..
أولا:
ان الطرف التاني في العلاقه يحسسك انه حاضر وموجود ومهتم، حتي لو مش معاك بجسمه دايما.
ثانيا:
هي انه يجيد سماعم والإنصات ليك وقت ما تحتاج ده.. ويبقي متابع ومهتم ومتفاعل، مش ودانه معاك ودماغه في ألف حتة تانية.
ثالثا:
هي انه يقبلك ويحترمك بدون شروط. قابل عيوبك واخطاءك وعنده استعداد يساعدك تتغير من غير ما يضغط عليك او يهددك بالبعد.
رابعا:
مش هيحكم عليك اي حكم ديني او اخلاقي او قانوني تحت أي ظرف.
خامسا:
هيحط نفسه مكانك دايما، فيحس بيك، ويفهمك، ويشوف احتياجاتك، ويرجع مكانه تاني علشان يعذرك ويساعدك. وفي نفس الوقت يسمحلك تعمل كده معاه.
سادسا:
انكم تكونوا حقيقين في العلاقة، يعني كل واحد فيكم يكون نفسه، من غير تمثيل ولا اقنعة.
سابعا والاخيرة:
هي إن العلاقة متكنش بين اتنين وبس.. علاقه مقفوله علي اتنين وخلاص، والاتنين دول قرروا ينعزلوا عن العالم والناس والاصحاب والعيلة.. وقال ايه مكتفيين ببعض عن كل حاجه! ومحدش فيهم يسمح للتاني بالحياة والحرية والحركة.. وده بيصيب أي علاقة في مقتل..
طبعا وبعد كل دول.. مهم ربنا يكون طرف ثابت في أي علاقة، نحب بعض فيه، ونحس بوجوده معانا، ونتقيه في بعض.
لتحميل الكتاب اضغط هنا
Rahma AlTabie
اقرأ ايضا: